Biznesin adı onun uğurlu olmasına təsir edir? – Biznes konsultant şərhi
Hər kəs istəyir ki, biznes quranda maraqlı ad seçməyə çalışır. Adın da biznes üçün uğurlu ola biləcəyini düşünür. Bəs biznesimiz üçün seçdiyimiz ad onun uğurlu olmasında hansı paya sahibdir? Rolu varmı?
Bu barədə Valyuta.az-a danışan biznes konsultant Pərviz Əzimov bildirdi ki, biznes üçün markanın adı həmişə ən önəmli məsələlərdən biri olub: “Bir marka fəaliyyətə başladığı zaman insanlar onu ilk olaraq adı ilə tanıyırlar. Bu səbəbdən, ad məsələsi önəmlidir. Bir çoxları düşünür ki, məhsulun keyfiyyəti və digər məsələlər daha önəmlidir. Düzdür, onlar çox önəmlidir, amma bunlarla yanaşı, düzgün ad seçimi də vacibdir”.
P.Əzimov ad seçimi zamanı bir neçə nüansa diqqət etməyin vacib olduğunu dedi: “Biznesin adı insanların yaddaşında qalan, asan olmalı, məhsulun xüsusiyyətini əks etdirməlidir. Müasir dünyada bu adın rəqəmsalda necə səslənməsi də önəmlidir. Böyük markalar qlobal marka sayılır, buna görə də, ad seçimi edərkən yalnız öz dilimizdə deyil, həm də qlobaldakı səslənişinə diqqət yetirməliyik. Dünyada bir neçə belə nümunə var ki, yerli şirkət kimi yaranıblar, amma sonradan ixracata başladığı zaman ad uyğunsuzluğu yaşayıblar və markanın adını dəyişmək məcburiyyətində qalıblar. Bu və bunun kimi digər aspektlərdən yanaşsaq, yeni məhsul üçün ad məsələsi o biznes üçün təməl məsələlərdən hesab olunur”.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay