Biznes təlimçi Dr.Nəcəf Allahverdiyev Valyuta.az üçün yazır...

Bir qisim insan ilin əvvəlində özləri üçün hədəf və məqsədlər təyin edir. Təəssüf ki, bu məqsədlərin bir çoxu həyata keçmir. Bunun bir çox səbəbi var. Məqsədlərimizi yazmırıq və ya amorf şəkildə formalaşdırırıq.

Bəzən heç bu məqsədlər bizim deyil, şablon məqsədlər olur. Bu baxımdan ilk növbədə öz doğma məqsədlərimizi tapmalıyıq. Mən bu məqsədlərə “Leyli  məqsədlər” deyirəm. Məcnun Leylisi varsa, ona çatmaq üçün əlindən gələni edər, yorulmaz, fokusdan yayınmaz, əlavə motivasiyaya ehtiyacı olmaz. Ona görə növbəti il üçün planlama zamanı Leylini tapmalıyıq.

Məqsədlərinizə uğurla nail olmaq ehtimalını artırmağa kömək edən əlavə məsləhətlər:

1. Məqsədlərimiz konkret olmalıdır: Nəyə nail olmaq istədiyiniz barədə ümumi bəyanatlar vermək əvəzinə, konkret, ölçülə bilən və əldə edilə bilən məqsədlər qoymağa çalışın.  Məsələn, “daha çox oxu” əvəzinə “ildə 20 kitab oxuyun”.

2. Artan addımlar: Böyük məqsədləri daha kiçik addımlara bölün və onları tamamlamaq üçün son tarixlər təyin edin. Bu, həddindən artıq yüklənmədən qaçmağa və məqsədinizə çatmaq üçün yolda qalmağınıza kömək edəcək.

Çox böyük addımlar atmaqdan çəkinin. Çünki bu addımlar sizi növbəti addımları atmağınızın qarşısını alar.

Bir gün ingilis dilində 70 söz öyrənib sonra 2ay fasilə verməkdənsə, gündə 5-10 söz öyrənin daim öyrənin. Və ya bir gün 30 000 addım atıb 3 ay hərəkətsiz qalmaqdansa, günə 5-10 min addım atın.

3. Dəstək və izləmə: Dəstək almaq üçün məqsədlərinizi dostlarınız və ya ailənizlə paylaşın və tərəqqinizi izləmək üçün xüsusi cədvəllər qurun və ya müvafiq proqramlardan istifadə edin. Bu, diqqətinizi hədəflərinizə cəmləməyə kömək edəcək.

Özünüzü stimullaşdırın.

Kökə və qamçı üslubundan istifadə edin.

4. Kreativlik, çeviklik və uyğunlaşma: Şərait dəyişərsə, planlarınızı uyğunlaşdırmağa hazır olun.  Çeviklik və uyğunlaşma, maneələrlə qarşılaşdığınız zaman belə motivasiyalı olmağa kömək edəcək,  çıxış yollarını görə biləcəksiniz.

 5. Disiplin! Davamlılıq və səbir: Tərəqqi yavaş ola bilər və bəzən irəli getmirmiş kimi görünürsən.  Bununla belə, ardıcıllıq və səbir hədəflərinizə çatmaq üçün açardır.  Ən çətin anlarda belə irəliləməyə davam edin.