![](https://valyuta.az/file/articles/2023/12/08/1702018183_instagramda-basarili-magazalari-gozlemleyin-7c12a6.jpg)
“Instagram”dan aldığımız məhsul saxta çıxarsa, nə edə bilərsiniz? - Vəkil izah edir
Sosial şəbəkələrdən istifadə geniş yayıldıqca, bu platformalarda ticarətlə məşğul olanlar da çoxalır. Sosial şəbəkələrdən məhsul almaq nə qədər rahat olsa da, riskləri də var. Məhsul saxta ola, xarab ola bilər, bir sözlə, aldadıla bilərsiniz.
Bəs belə hallarla qarşılaşdıqda müştəri öz hüquqlarını necə tələb edə bilər?
Müvəkkil Hüquq Mərkəzinin sədri, hüquqşünas Səməd Vəkilov Valyuta.az-a bu barədə danışdı. O, onlayn ticarətin hüquqi cəhətdən necə tənzimləndiyini bildirdi:
“Müasir texnologiyanın inkişafı ilə əlaqədar elektron ticarət günümüzün reallığına çevrilib. Bu münasibətlər “Azərbaycan Respublikası Konstitusiyası”, “Elektron ticarət haqqında”, “İstehlakçıların hüquqlarının müdafiəsi haqqında” və digər mülki qanunvericilik normaları ilə tənzimlənir. Qanuna əsasən Azərbaycan Respublikasında elektron ticarətin hüquqi tənzimlənməsi bəzi prinsiplərə əsaslanır: iştirakçıların hüquq bərabərliyi, iştirakçıların iradə sərbəstliyi, iştirakçıların əmlak müstəqilliyi, mülkiyyətin toxunulmazlığı, müqavilə azadlığı, sahibkarlıq fəaliyyətinin maneəsiz həyata keçirilməsi, azad və ədalətli rəqabət, malların, xidmətlərin və maliyyə vəsaitlərinin sərbəst hərəkəti, hüquqların məhkəmədə müdafiəsinə təminat verilməsi”.
Səməd bəy deyir ki, onlayn mağazadan aldığınız məhsul saxta, xarab, istifadəyə yararsız çıxarsa, aldadılarsnızsa, bu zaman məhkəməyə müraciət edə bilərsiniz:
“Təbii ki, bu münasibətlər zamanı tərəflər arasında mübahisələr yarana bilər. Bu halda qanuna əsasən, elektron ticarətin iştirakçıları arasında mübahisələr qanunvericiliyə zidd olmayan məhkəmədənkənar vasitələrlə, o cümlədən elektron vasitələrdən istifadə etməklə həll edilə bilər. Yaxud elektron ticarətlə bağlı iddialara məhkəmələr qanunvericilikdə müəyyən olunmuş müddətdə baxırlar”.
Nuray
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay