Bu ilin yanvar-oktyabr aylarında Azərbaycanda bəzi meyvələrin ixracında artım olub. 

Valyuta.az Dövlət Gömrük Komitəsinə istinadən xəbər verir ki, bu ilin 10 ayı ərzində nar, alma, xurma ixracı artıb. 

Bu il 17 min  578 ton nar ixrac edilib, bu həcm baxımından 2022-ci ilin müvafiq dövrü ilə müqayisədə 9 min 100 ton, yaxud da 2 dəfə çoxdur. Bu həcmdə nar ölkəyə 20 milyon 301 min ABŞ dolları gəlir gətirib. Bu isə ötən ilin müvafiq dövrü ilə müqayisədə 8 milyon 763 min ABŞ dolları, yaxud da 76% çoxdur. 

Bu ilin 10 ayında Azərbaycan 65 min 419 ton alma ixrac edib. Bu isə 2022-ci ilin yanvar-oktyabr ayları ilə müqayisədə 13 min 741 ton, yaxud da 26,6% çoxdur.  Dəyər baxımından isə ixrac edilmiş alma ölkəyə 41 milyon 169 min ABŞ dolları valyuta gətirib. Bu isə ötən ilin müvafiq dövrü ilə müqayisədə 7 milyon 924 min ABŞ dollar, yaxud da 23,8% çoxdur. 

Bu il qeyri-neft məhsullarının ixracında payı artan digər məhsul xurmadır. Bu ilin 10 ayında Azərbaycan 63 min 863 ton xurma ixrac edib, bu isə ötən illə müqayisədə 4 min 726 ton, yaxud da 7,9% çoxdur. 

Bu həcmdə xurmanın ixracından ölkəyə 46 milyon 156 min ABŞ dollar valyuta gəlib, bu isə ötən ilin müvafiq dövrü ilə müqayisədə 1 milyon 739 min ABŞ dollar yaxud da 3,9% çoxdur.

Nara