![](https://valyuta.az/file/articles/2023/11/03/1699002272_recruitment-course-interview-techniques-1.jpg)
“İş müsahibəsindən sonra geridönüş edilməməsi namizədi ruhdan sala bilər”
İş müsahibəsindən sonra namizədin nəticəsi ilə bağlı məlumatın verilmədiyi hallarla çox rastlaşırıq. Mənfi nəticə olanda çox vaxt müsahibədən sonra namizədə bildirilmir. Bu da bəzən iş axtaranları ruhdan salır, iş üçün CV göndərməyi dayandırırlar. Və yaxud da müsahibədən sonra gözlənti içində qalırlar.
İnsan Resursları üzrə ekspert Nüsrət Xəlilov Valyuta.az-a bu barədə danışıb. Onun sözlərinə görə, bu, müsahibədən sonra namizədə geri dönüş etməyən şirkətlərin imicinə də təsir göstərir: “İş axtaran şəxs işlə bağlı müraciət etdiyi müsahibədən sonra geri dönüş almırsa, bu, işçini demotivasiya edər, ruhdan sala bilər. Həmçinin, şirkət haqqında müəyyən imicin formalaşmasına da təsir edir”.
Nüsrət bəy deyir ki, bəzi şirkətlər müsahibə nəticələri ilə bağlı namizədlərə “e-mail”lə cavab göndərirlər: “Yəni daha çox korporativləşmiş şirkətlərdə iş müsahibəsi üçün müraciət edənlərin nəticələri barədə e-mail vasitəsilə məlumat verilir. Düzdür, bu maillər bəzən həqiqi səbəbi əks etdirməyə bilir, amma ən azından namizədin müsahibədən uğurlu keçib-keçməməsinə dair hər hansı məlumat göndərilir”.
Nüsrət Xəlilov bildirir ki, nəticə mənfi də olsa, mütləq namizədə məlumat verilməlidir. Çünki insanlar cavab gözləyir, məlumat verməmək isə qeyri-müəyyənlik yaradır: “Daha yaxşı olar ki, namizədə istər mənfi, istər müsbət geridönüş edilsin”.
Nuray
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay