“Premium Bank” ASC 2024-cü ili 9,684 milyon manat xalis mənfəətlə başa vurub.

Valyuta.az banka istinadən xəbər verir ki, bu, 2023-cü illə müqayisədə 29,9% və ya 2 milyon 231 min manat çoxdur. 2023-cü ili bank 7 milyon 453 min manat mənfəətlə başa vurmuşdu.

“Premium Bank”ın gəlirlərinin dəyəri 49,188 milyon manat təşkil edib ki, illik müqayisədə 0,9% və ya 433 min manat azdır. Bankın gəlirlərinin dəyəri 2023-cü ildə 49 milyon 621 min manat olub. Bu ilin hesabat dövründə bankın faiz xərclərinin dəyəri 11 milyon 240 min manat təşkil edib ki, bu da 2023-cü illə müqayisədə 545 min manat və ya 5% çoxdur.
“Premium Bank”ın qeyri-faiz xərclərinin dəyəri 2024-cü ildə 26 milyon 739 min manat olub ki, bu da 2023-cü illə müqayisədə 14,9% və ya 4 milyon 686 min manat azdır.

“Premium Bank”ın aktivlərinin dəyəri 2024-cü ildə 640 milyon 892 min manat təşkil edib ki, bu da 2023-cü illə müqayisədə 6,4% və ya 44 milyon 224 min manat azdır. 2023-cü ildə bankın aktivlərinin həcmi 685 milyon 116 min manat olub.

Bankın 2024-cü ildə öhdəliklərinin dəyəri 463 milyon 009 min manat olub ki, bu da 2023-cü illə müqayisədə 8,8% və ya 412 milyon 226 min manat azdır. 2023-cü ildə bankın öhdəliklərinin dəyəri 507 milyon 823 min manat təşkil edib.  

Xatırladaq ki, “Premium Bank” 1993-cü ildə “AZAL Bank” adı ilə yaradılıb, 2008-ci ildə adını “Silk Vey Bank”a dəyişib, 2018-ci ildə isə yenidən rebrendinq edib. Onun nizamnamə kapitalı 154,601 milyon manatdır. Bankın səhmdarları 84,46 % payla Zərifə Həmzəyeva, 15,22 % payla "VIP Aviation Services" MMC və 0,32 % payla Elvira Əhmədovadır.

Nara