“Bank of Baku” 2024-cü ili 25 milyon 930 min manat mənfəətlə başa vurub.

Valyuta.az bankın maliyyə hesabatına istinadən xəbər verir ki, bu, 2023-cü illə müqayisədə 1,8% və ya 472 min manat çoxdur. Qeyd edək ki, "Bank of Baku" 2023-cü ili 25 milyon 458 min manat mənfəətlə başa vurmuşdu.

Ötən il “Bank of Baku”nun faiz gəlirlərinin dəyəri 152 milyon 659 min manat təşkil edib ki, bu da 2023-cü illə müqayisədə 18,9% və ya 24 milyon 368 min manat çoxdur. 2023-cü ildə isə bankın faiz gəlirlərinin dəyəri 128 milyon 291 min manat təşkil edib. 

Bankın qeyri-faiz gəlirlərinin dəyəri 39,5% və ya 5 milyon 305 min manat artaraq 18 milyon 735 min manata çatıb. 2023-cü ildə bu göstərici 13 milyon 430 min manat təşkil edib.  “Bank of Baku”nun faiz xərclərinin dəyəri 54 milyon 614 min manat təşkil edib ki, bu da 2023-cü illə müqayisədə 33,1% və ya 13 milyon 588 min manat çoxdur. 2023-cü ildə bankın faiz xərclərinin dəyəri 41 milyon 26 min manat təşkil edib. 

2024-cü ildə “Bank of Baku”nun qeyri-faiz xərclərinin dəyəri 85 milyon 588 min manat təşkil edib ki, bu da 2023-cü illə müqayisədə 16,2% və ya 11 milyon 949 min manat çoxdur. 2023-cü ildə bu göstərici 73 milyon 639 min manat olub.  Ötən il “Bank of Baku”nun aktivlərinin dəyəri 934 milyon 273 min manat olub ki, bu da 2023-cü illə müqayisədə 7,2 % və 63 milyon 384  min manat çoxdur. 2023-cü ildə bankın aktivlərinin dəyəri 870 milyon 889 min manat təşkil edib. 
Ötən hesabat ilində bank müştərilərə 760 milyon 424 min manat kredit verib ki, bu da 2023-cü illə müqayisədə 101 milyon 381 min manat və ya 15,3% çoxdur.

2024-cü ildə bankın verdiyi istehlak kreditlərinin dəyəri 579 milyon 277 min manat təşkil edib ki, bu da 2023-cü illə müqayisədə 21,6% və ya 103 milyon 222 min manat çoxdur. 2023-cü ildə bankın verdiyi istehlak kreditlərinin dəyəri 476 milyon 55 min manat təşkil edib. 
2024-cü ildə “Bank of Baku” 132 milyon 721 min manat biznes kreditləri verib ki, bu da 2023-cü illə müqayisədə 10,3% və ya 15 milyon 366 min manat azdır. 2023-cü ildə bank 148 milyon 087 min manat dəyərində biznes kreditləri verib.

2024-cü ildə bankın öhdəliklərinin dəyəri 778 milyon 578 min manat təşkil edib ki, bu da 2023-cü illə müqayisədə 6,3% çoxdur. 2023-cü ildə bankın öhdəliklərinin dəyəri 731 milyon 918 min manat təşkil edib.

Nara