ABŞ-da qeyri-kənd təsərrüfatı məşğulluq göstəricilərininin gözləniləndən daha yüksək açıqlanması "Wall Street"də bəzi bankların faiz endirimi gözləntilərində düzəlişlər etməsinə səbəb olub.  

Valyuta.Az xəbər verir ki, əvvəllər bu il ərzində iki dəfə dörddəbir faiz endirimi gözləyən "Bank of America" artıq heç bir endirim gözləmədiyini açıqlayıb. Bank, "Fed"in növbəti addımının faiz artırımı ola biləcəyi riskinə də diqqət çəkib.  

"Citigroup" isə hələ də beş dörddəbir faiz endirimi gözləyir, lakin bu endirimlərin əvvəlcə nəzərdə tutulduğu kimi yanvarda deyil, may ayında başlayacağını bildirib. "Goldman Sachs" isə bu il üçün üç deyil, iki faiz endirimi proqnozlaşdırır.  

"Bank of America"nın iqtisadçıları Aditya Bhave (Aditya Bhave) başçılığı ilə yayımladıqları açıqlamada, “Dekabr ayında qeyri-kənd təsərrüfatı məşğulluq hesabatının çox güclü gəlməsindən sonra endirim dövrünün sona çatdığını düşünürük,” ifadəsini işlədiblər.  

Açıqlamada, əsas şəxsi istehlak xərclərinin 3%-i aşması və inflyasiya gözləntilərinin yüksəlməsi halında faiz artırımlarının gündəmə gələ biləcəyi qeyd edilib.  

"Goldman Sachs" bu il üçün üç yox, iki endirim gözləyir

"Citigroup" iqtisadçıları, Endrü Hollenhors (Andrew Hollenhorst) və Veronika Klark (Veronika Clark) tərəfindən hazırlanan notda, "Fed-in bu il faiz endirimi etməməsi və ya hətta faiz artırımı planlaşdırması ilə bağlı ssenarilərdən narahat deyilik," ifadəsi yer alıb. Qeyd edilib ki, “Məşğulluq gözləntilərimizdən daha yaxşı irəliləyərkən həm qiymət, həm də əməkhaqqı inflyasiyası azalır. Bu isə güclü iqtisadiyyata baxmayaraq, rəsmilərin faiz endirimi etməkdə rahat olmalarını təmin edə bilər.”  

"Goldman Sachs"ın iqtisadçıları Yan Hatsius (Jan Hatzius) rəhbərliyi ilə yayımladıqları proqnozlarda iyun və dekabr aylarında, eləcə də 2026-cı ilin iyun ayında faiz endirimi gözlədiklərini bildiriblər. Şirkətin əvvəlki proqnozunda faiz endiriminin mart, iyun və sentyabr aylarında olması gözlənilirdi. Buna baxmayaraq, "Goldman Sachs" hələ də 3,5%-3,75% arasında bir son faiz dərəcəsi proqnozlaşdırır.  

ABŞ-da qeyri-kənd təsərrüfatı məşğulluğu dekabr ayında 256 min nəfər artaraq gözləntiləri əhəmiyyətli dərəcədə üstələyib. Vaşinqtonda səhər saatlarında açıqlanan məşğulluq göstəricilərindən sonra bazarlarda faiz endirimi gözləntiləri azalıb. 2025-ci ilin sonuna qədər yalnız 30 baza bəndi səviyyəsində bir endirim qiymətləndirilir. Əvvəllər ilin ortasında gözlənilən faiz endirimi gözləntiləri isə sentyabr ayına qədər təxirə salınıb.  

"Fed", sentyabr ayından bəri faiz dərəcələrini ümumilikdə 100 baza bəndi azaldaraq 4,25%-4,5% aralığına salıb.  

Rəhim