![](https://valyuta.az/file/articles/2024/07/10/1720606026_1.jpg)
"Tesla"ya ittiham: Mask və VIP müştərilər üçün xüsusi avtopilot yaradılıb
"Tesla" şirkətin rəhbəri İlon Mask və VIP müştərilər üçün təkmilləşdirilmiş avtopilot hazırlayıb.
Valyuta.az xəbər verir ki, bu barədə "İnsider" şirkətdəki mənbələrə istinadən məlumat yayıb.
"Sistemin əslində olduğundan daha yaxşı görünməsi üçün İlon Maskın avtopilotunu qəsdən təkmilləşdirdik. Bu, ədalətli görünmürdü", deyə onlardan biri bildirib.
Mənbələrə görə, Mask və "Tesla"nın dostları" sürücüyə yardım sisteminin xüsusi versiyasından (Full Self-Driving, FSD) istifadə edirlər. Onlar qeyd edib ki, adi müştərilər üçün mövcud olandan daha təkmil və effektivdir. VIP-lərə məşhur blogerlər və ictimai fikirə təsir gücü olanlar daxildir. Mənbələrin bildirdiyinə görə, xüsusi "Tesla" sahibləri sonradan "xüsusi" versiya haqqında danışdıqlarını bildirmədən avtopilotdan istifadə təcrübələrini internetdə bölüşüblər.
Onlar əlavə ediblər ki, avtopilotun məxfi versiyası İlon Mask və digər VIP-lərin keçdiyi marşrutları bilir və onların səfərlərini daha rahat və təhlükəsiz edir.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay