"Jeep" şirkəti proqram problemləri səbəbindən 200 minə yaxın hibrid avtomobili geri çağıracaq. 

Valyuta.az xəbər verir ki, bu barədə ABŞ-ın Avtomobil Yollarının Hərəkətinin Təhlükəsizliyi üzrə Milli Administrasiyasının dərc etdiyi şirkətin bəyanatında deyilir.

Məlum olub ki, hibrid sistem idarəetmə prosessoru bir çox "Jeep" avtomobillərində səhv proqramlaşdırılıb. Bu, ön şüşənin isidilməsinin söndürülməsinə və nəticədə zəif görmə ilə nəticələnə bilər.

Geri çağırılma 2022-2024 "Grand Cherokee 4xe" modelinə aiddir. Qüsur 2021-2024 "Wrangler 4xe"də də aşkarlanıb. Qeyd olunur ki, mütəxəssislər bu modellər üçün proqram təminatını yeniləməli olacaqlar. Satıcılara və sahiblərə geri çağırma barədə aprelin 5-də məlumat veriləcək. 

Eyni zamanda, sürücülər avtomobillərinin kampaniyaya aid olub-olmadığını özləri yoxlaya biləcəklər. Bunu etmək üçün istehsalçının saytında və ya NHTSA-da 17 rəqəmli avtomobilin identifikasiya nömrəsini daxil etməli olacaqsınız.

"Grand Cherokee 4xe" və "Wrangler 4xe" 2,0 litrlik turbomühərrikli dörd silindirli mühərrikə malikdir. Birinci model təkcə elektrik enerjisi ilə 42 km, ikinci model isə 35 km məsafə qət edə bilir.

Paşa Məmmədli