Hazırda dünyada bir çox turizm növləri kimi aqroturizm də inkişaf etməkdədir. 
Daha gənc turizm növü olan aqroturizm kənd təsərrüfatı ilə turizm sektorlarının kəsişməsindən meydana gələn turizm növüdür.
Bu turizm kənd turizminin bir növü olmaqla, turistlərin kənd həyat tərzinə cəlb edilməsinin, eləcə də kənd təsərrüfatı fəaliyyətlərində iştirakının təmin olunması deməkdir.  

Aqroturizm fəaliyyətin müxtəlif variantlarını özündə cəmləşdirir. Məsələn, aroturizmə maraq göstərən turistlər üün onların maraqlarına uyğun turlar təşkil edilir. Məsələn, meyvə yığımını, heyvan yemləməyi, fermada qəlyanaltı etməyi və s.

Bu gün dünyanın bir çox ölkəsində aqroturizm inkişaf etməkdədir. Aqroturizmə isə daha çox yerli turistlər maraq göstərir.

Bundan əlavə qroturizm Avstraliya, Kanada, Amerika Birləşmiş Ştatları və Filippin də daxil olmaqla, dünyanın bir çox ölkəsində artım sənayesi hesab olunur.
Artıq son dövrlər də Azərbaycan da bu turizm növünə maraq artmaqdadır. Ölkənin müxtəlif bölgələrində aqroturizmlə bağlı tədbirlər hazırlanır, turlar təşkil edilir. Məsələn, Göyçayda Nar Festivalı”, Cəlilabadda Çiyələk Festivalı”,  Şamaxıda Üzüm və Şərab Festivalı, “Yaylaq  və s. festivalların keçirilməsinin məqsədi aqroturizm vasitəsi ilə həmin bölgələri yrli və xarici turistlərə tanıtmaqla həmin yerlərə turist axınını artırmaqdır. 

Buna görə də aqroturizmi həm də faydalı turizm sahəsi hesab etmək olar. 

Aqroturizmin rayon və kəndlərə aşağıdakı faydaları var:

Aqroturizm kəndlərin sosial-iqtisadi inkişafına təkan verir;

Əhalinin yeni iş yerləri ilə təmin olunmasına şərait yaradır;

Ərazilərin təbii-iqtisadi potensialından daha səmərəli istifadə edilməsində əhəmiyyətli rol oynayır;

Sosial-mədəni xidmət sahələrinin inkişafına yol açır;

Kənd təsərrüfatının inkişafına töhfə verir;

Ətraf mühitin qorunmasına şərait yaradır;

Mədəni əlaqələrin yaradılması üçün önəmli rol oynayır;

Ənənəvi istehsal/sənətkarlıq sahələrinin qorunub saxlanmasına dəstək verir;

Yerli kulinariya ənənələrinin qorunub saxlanmasına (slow food) yardımçı olur;

Qeyri-maddi irsin qorunub saxlanılmasına töhfə verir;

İstehlakçı bazarında yeni seqmentin yaranmasına dəstək olur;

Qonaqlar üçün nəzərdə tutulmuş turizm məhsullarının və xidmətlərinin şaxələndirilməsini təmin edir.

Bütün sadalanları nəzərə alaraq aqroturizmin faydalılığını artırmaq üçün bölgələrdə bu turizmlə məşğul olmaq itəyən insanlar üçün zaman-zaman maarifləndirmə proqramları hazırlanmalı, onlara bu sahədə bilgilər verilməlidir. Qeyd edək ki, dünyanın bir çox inkişaf etmiş ölkələrinin gəlirlərinin artmasında həm də turizm gəlirlərinin də payı var.

Davud