“Bir neçə gün davam edən sel və yağışlar kənd təsərrüfatı mənşəli qida məhsullarının istehsalına və məhsuldarlığına ciddi ziyan vurmayıb".

Bu sözləri Valyuta.az-a Liberal İqtisadçılar Birliyinin sədri Akif Nəsirli son bir neçə gündə bəzi bölgələrdə yağan yağış və selin kənd təsərrüfatına vurduğu ziyan haqqında danışarkən deyib.

İqtisadçı deyir ki, ümumiyyətlə, yay mövsümün bu dövründə sel və yağış dağıntılardan başqa digər formada kənd təsərrüfatına ciddi dərəcədə təsir göstərmir:

"Selin, yağışların həcmi böyük olsaydı, müəyyən ziyan vurardı, amma indi elə də ciddi fəsadı olmayacaq. Yəni artıq meyvələrin çiçəkləmə, bağlarda aqrotexniki tədbirlərin görüldüyü vaxt deyil. Yağış yağır, sel keçir, bostanlar və bağlar islanır və bir neçə gün məhsul yığımına ara verilir. Belə zamanda neçə günlük müəyyən dərəcədə bahalaşma müşahidə oluna bilər. Amma yenidən qiymətlər əvvəlki dövrə qayıdır. Tutaq ki, pomidor 60 qəpik idi, qalxıb bir manata olur, bir neçə gün sonra məhsul bollaşır və əvvəlki qiymətə dönür".

Davud