“Ödənişi kartdan-karta etmək qanuna ziddir. Kartdan-karta prosesi biznes məqsədi ilə yox, vətəndaşlar arasıda ödənişlər üçün nəzərdə tutulub”.

Bu sözləri Valyuta.az-a iqtisadçı Xalid Kərimli bəzi qeyri-ərzaq mağzalarında nağdsız ödənişlərin post terminallara yox, kartdan-karta edilməsi ilə bağlı məsələni şərh edərkən deyib.

İqtisadçı bildirib ki, Azərbaycan Respublikasının qanunvericiliyinə, mülki məcəlləsinə görə həm hesablaşmalar, həm nəğdsiz hesablaşmalarla bağlı bir məhdudiyyət yoxdur:
 
“Yəni qanuncvericiliklə tələb olunur ki, ödəniş formalarının hər hansı birinin digərindən üstünlüyü yoxdur. Bu nəğd də, nəğdsiz də ola bilər. Xüsusən də müştərilərdən birbaşa ödəniş alanları məcbur edir ki, əgər nağd ödəniş qəbul edirsinizsə, smart nəzarət kassa aparatlar yerində olmalıdır. Bundan əlavə vətəndaşın nəğdsiz ödəniş hüququnu da təmin etməlisiniz. Vətəndaş özü ödənişlə bağlı seçim etməlidir”. 

Xalid Kərimli bildirib ki, həmin mağaza sahibləri ödənişi bu üsulla almaqla qanunu və vətəndaşın hüququnu pozurlar:

“Bunu da vergidən yayınmaq üçün edirlər. 

Bununla rastlaşan müştərilər müvafiq inzibati orqana şikayət edə bilər. Orada VÖEN-ə bağlı kart olmadığı üçün dövriyyəni gizlədirlər. Aldıqları nəğd ödənişin bir hissəsini bəyan etmirlər. Burada vergi məcəlləsinin də pozulması prosesi gedir, hesablaşmaların da düzgün aparılmaması prosesi gedir”.

Davud