Azərbaycan Nəqliyyat, Rabitə və Yüksək Texnologiyalar Nazirliyinin “Radio-Televiziya Yayımı və Peyk Rabitəsi” İstehsalat Birliyinin (“Teleradio” İB) baş direktor vəzifəsinin müvəqqəti icrası, qurumun texniki direktoru Mikayıl Abbasova həvalə edilib.

Valyuta.Az nazirliyə istinadən xəbər verir ki, “Teleradio” İB-nin baş direktoru Əflatun Şərifov təqaüd yaşı çatdığına görə tutduğu vəzifədən öz ərizəsi ilə çıxıb.

Abbasov Mikayıl Hümmət oğlu 1970-ci ilin iyunun 13-də Ermənistan SSR-in Krasnoselo rayonunun Cil kəndində anadan olub.

1987-ci ildə Ç.İldırım adına Azərbaycan Politexnik İnstitutunun “Avtomatika və hesablama texnikası” fakültəsinin “Sənaye elektronikası” ixtisasına qəbul olub.

1993-cü ildə Azərbaycan Texniki Universitetinin “Avtomatika və hesablama texnikası” fakültəsinin “Sənaye elektronikası” ixtisasını fərqlənmə diplomu ilə bitirib. Fakültə elmi şuranın qərarı ilə həmin kafedrada tədqiqatçı-mühəndis kimi işə başlamışdır.

1994-cü ilin mart ayından Teleradio İB-də “Peyk rabitəsi” sexində böyük el.mexanik vəzifəsində işə başlamışdır.

1995-ci ildən “Peyk rabitəsi” sexinin rəisi vəzifəsində calışıb. 1998-ci ildən Peyk və radioteleviziya yayımı müəssisəsinin Baş mühəndisi vəzifəsində calışıb. 1999-ci ildən Texniki şöbənin rəisi vəzifəsində calışıb.

2004-cü ilin may ayının 3-dən Teleradio İB-in Baş mühəndisi vəzifəsinə təyin olunmuş və hal-hazırda bu vəzifədə çalışır.

12.04.2006-cı ildə Teleradio İB-nin Texniki direktoru vəzifəsinə təyin olunmuşdur.

1995-1999-cu illərdə Azərbaycan Texniki Universitetinin aspiranturasında təhsil alıb.

2000-ci ildə “Texnika elmləri namizədi” alimlik dərəcəsi almışdır.

Rus, türk və İngilis dillərini sərbəst bilir.

Ailəlidir. İki övladı var.zifələrində fəaliyyət göstərib.