“Avtomobil və digər nəqliyyat növləri ilə müqayisədə hava nəqliyyatında baş verən qəzaların sayı olduqca azdır. Buna görə də hava nəqliyyatı nisbətən təhlükəsiz nəqliyyat növü hesab olunur. Buna baxmayaraq, qəzalar qaçılmaz olur”.

Valyuta.az xəbər verir ki, bunu təhlükəsizlik üzrə ekspert Orxan Mustafayev deyib.

Onun sözlərinə görə, baş verən qəza hadisələrini təhlil edərkən məlum olub ki, təyyarənin quyruq hissəsi nisbətən təhlükəsiz hesab olunur.

“Bu nəticəyə təyyarə qəzalarından sağ çıxan insanların harada oturmasını müəyyən etdikdən sonra gəlinib. Qəza çıxışının yanında yerin seçilməsi də fövqəladə hallarda kömək olur.

Təyyarənin yanacaq çəni qanadlar istiqamətində yerləşir. Yanacaqla bağlı hansısa hadisə baş verərsə, qanadlar ətrafında yerin seçilməsi uğursuz ola bilər. Ona görə də dəqiqliklə ən təhlükəsiz yeri müəyyən etmək asan deyil.

Quşların təyyarə ilə toqquşması və qəza baş verməsi də tez-tez yaşanan hadisələrdəndir. Quşlar mühərrikə daxil olur, texniki nasazlıq baş verir və sıradan çıxır”.

© Musavat.com