Prezident İlham Əliyevin imzaladığı sərəncamla Ovni Muradov Naxçıvan Muxtar Respublikasının (MR) Babək Rayon İcra Hakimiyyətinin başçısı vəzifəsinə təyin edilib.

Valyuta.az yeni təyin olunan icra başçısının dosyesini təqdim edir:

Ovni Muradov bu təyinatadək Naxçıvan MR-in təhsil nazirinin müavini vəzifəsini tutub.

Bir müddət təhsil naziri vəzifəsi vakant olduğundan o, həmin vəzifəni də icra edib.

Bundan əvvəl isə O.Muradov Babək rayon E.Əliyev adına Nehrəm qəsəbə 2 nömrəli tam orta məktəbinin direktoru, Babək Rayon Təhsil Şöbəsinin müdiri olub. İxtisasca tarixçi olan Ovni Muradov həm də Tələbə Qəbulu üzrə Dövlət Komissiyasının (hazırkı Dövlət İmtahan Mərkəzi - red.) məktəblilər üçün Tarix testlər toplusunun müəlliflərindən biridir.