İngiltərə Futbol Assosiasiyası (FA) Premyer Liqa komandalarının menecerlərə etdiyi ödənişləri açıqlayıb.

Valyuta.az xəbər verir ki, federasiyanın internet saytında yer alan hesabatda “Çelsi”nin iki transfer dövründə menecerlərə cəmi 75 milyon 140 min 524 avro ödədiyi bildirilib.
 
İkinci ən çox maaş verən klub isə “Mançester Siti” olub. Mançester təmsilçisinin ödədiyi məbləğ 60 milyon 626 min 25 avro olub. 

Bu iki klubdan sonra menecerlərə ən çox maaş verənlər “Mançester Yunayted”, “Liverpul”, “Arsenal” və “Tottenhem”dir. 

Liqada menecerlərə ən az maaş verən komanda isə “Luton Taun”dur. Sözügedən klub cəmi iki milyon 20 min 146 avro ödəniş edib. 

Premyer Liqada bu mövsüm komandaların idarəçilərə etdiyi ödəniş ümumilikdə 409 milyon avro olub. 

Əvvəlki hesabatda bu məbləğ 318 milyon avro olduğu bildirilmişdi.

Elmir