Dövlət Gömrük Komitəsi (DGK) “Tentex-Baku” MMC barəsində inztibati protokol tərtib edib. 

Valyuta.az xəbər verir ki, şirkətə İnzibati Xətalıar Məcəlləsinin 485.1-ci (Gömrük Məcəlləsi ilə müəyyən edilmiş hallarda, mallar və nəqliyyat vasitələri Azərbaycan Respublikasının gömrük ərazisinə gətirilərkən Azərbaycan Respublikasının gömrük sərhədindən keçmə barədə və ya gömrük ərazisindən aparılarkən malların və nəqliyyat vasitələrinin aparılması barədə müvafiq icra hakimiyyəti orqanına məlumatların verilməməsinə və ya təhrif olunmuş məlumatın verilməsinə, yaxud malların və nəqliyyat vasitələrinin məlumatda göstərilən yerə müəyyən edilmiş vaxtda çatdırılmaması) maddəsi ilə ittiham irəli sürülüb. 

İş baxılması üçün Nərimanov Rayon Məhkəməsinə göndərilib.

Vüsal Qurbanov iş üzrə hakim təyin edilib. 

485.1-ci maddəyə görə fiziki şəxslər iyirmi manatdan əlli manatadək məbləğdə, vəzifəli şəxslər yetmiş manatdan yüz manatadək məbləğdə, hüquqi şəxslər iki yüz əlli manatdan beş yüz manatadək məbləğdə cərimə edilir.

Hüseyn