Yer ətrafında dövr edən yüzlərlə peykin nəzarətsiz hərəkəti narahatlıq doğursa da, kosmik agentliklər onların hərəkətini daim izləyirlər.

Valyuta.az xəbər verir ki, Avropa Kosmik Agentliyi (ESA) 10 il əvvəl fəaliyyətini dayandıran və son yanacaq ehtiyatını istehlak edən ERS-2 adlı peykin bir neçə həftə ərzində Yer atmosferinə girərək nəzarətsiz şəkildə düşəcəyini açıqlamışdı.

1995-ci ildə kosmosa buraxılan 11 tonluq peyk fevralın 21-də Yer atmosferinə daxil olub. Yanğın zamanı əsasən məhv olan peykin qalan hissələri ilə bağlı heç bir maddi ziyan qeydə alınmayıb. ERS-2 Yerin müşahidəsi üçün istifadə edilən peyk idi. O, atmosfer, okeanlar və quru kütlələri haqqında məlumat toplayıb. ERS-2 tərəfindən toplanan məlumatlar tədqiqatçılara iqlim dəyişikliyi və ətraf mühitin çirklənməsi kimi məsələlərdə kömək edib.

Peyk Avropa tərəfindən indiyə qədər hazırlanmış və buraxılmış ən təkmil Yer müşahidə kosmik gəmisi idi.

Elmir