ABŞ- da məşhur “Powerball” şans oyunundan 340 milyon dollar qazanan şəxs nömrənin yanlış elan edildiyi anlaşılınca lotereya şirkətinə qarşı iddia qaldırıb.

Valyuta.az xəbər verir ki, paytaxt Vaşinqtonda yaşayan Con Çiks “Powerball” biletini keçən il yanvarın 6-da alıb. Ertəsi gün püşkatma nəticələrini canlı izləmədiyini ifadə edən Çiks, bunun əvəzinə uduş nömrələrini səkkiz yanvarda “DC Lottery”nin rəsmi nəticələr saytından öyrəndiyini söylədi. 340 milyon dollarlıq cek-potu almaq üçün dövlətə məxsus “DC Lottery”nin bir şöbəsinə gedən Çiks, biletdə cekpot olmadığını öyrəndikdə heyrətləndiyini ifadə edib. Filialda işləyən şəxs ona biletin yararsız olduğunu söyləyib. Bunun əvəzinə, Çiks, “Powerball” və “DC Lottery”ni məhkəməyə vermək üçün vəkil çağırmaq qərarına gəlib. Dava mətnində nəticələrin üç gün ərzində saytda qaldığı vurğulanıb. 

Bununla belə, “Powerball” nəticələrinin dərc edildiyi internet saytını idarə edən “Taoti Enterprises”, prosesdə texniki nasazlığın olduğunu iddia edib. 

Şirkət təmir və keyfiyyətə nəzarət işləri aparılarkən əsas saytın bir nüsxəsinin hazırlandığını və sınaq məqsədi ilə nömrələrin buraya yüklənməsinin vacibliyini bildirdi. Bununla belə, komandanın bunun əvəzinə nömrələri nəticələrin canlı yayımlandığı əsas sayta yüklədiyi və bu səhvin yalnız üç gün sonra düzəldildiyi bildirilib. 

Çiksin vəkili Riçard Evans səhvə yol verildiyini bildirsə də konstruktiv addımlar atılmalı və bonusun müştərisinə verilməsini istədiklərini açıqlayıb. Evans, oxşar vəziyyətin noyabr ayında Ayova ştatında baş verdiyini və oradakı piano şirkətinin edilən səhvə baxmayaraq, bonusların geri qaytarıldığını qeyd etdi.

Elmir