“Paşa Bank” Açıq Səhmdar Cəmiyyəti (ASC) ilə türkiyəli iş adamı Mustafa Korkmaz arasında kredit müqaviləsinə dair mübahisə yaranıb.

Valyuta.az xəbər verir ki, mübahisə məhkəməyə qədər uzanıb. 

“Paşa Bank” ASC Mustafa Korkmaz və onun sahibi olduğu “Korkmaz Group”MMC barəsində iddia qaldırıb. 

İddiaya Bakı Kommersiya Məhkəməsində baxılacaq. 

İş hakim Zaur Pirverdiyevin icraatındadır. 

Məhkəmənin vaxti barədə məlumat yoxdur. 

Mustafa Korkmaz uzun illərdir ki, Azərbaycanda sahibkarlıq fəaliyyəti ilə məşğuldur. 

O, 16 avqust 2016-cı ildə 20 manatlıq nizamnamə kapitalı ilə qeydiyyatdan keçən “Korkmaz Group” MMC ilə 30 noyabr 2021-ci ildə 10 manatlıq nizamnamı kapitalı ilə qeydiyyata alınan “Korkmaz Group M” MMC-nin qanuni təmsilçisidir. 

Bir müddət əvvəl Mustafa Korkmaz ilə İqtisadiyyat Nazirliyi yanında Dövlət Vergi Xidməti arasında vergi məsələlərinə dair mübahisə yaranmışdı. Mübahisəyə səbəb “Korkmaz Group” MMC-nin 104 304,51 AZN vergi borcunun yaranması idi. Dövlət Vergi Xidmətinin Bakı şəhər Kiçik Sahibkarlıqla İş üzrə Baş İdarəsi bu məsələni məhkəmədə mübahisələndirmək üçün Mustafa Korkmazı məhkəməyə vermişdi. 

Hüseyn