Argentinada 12 ay ərzində inflyasiya 250%-dən çox olub. 

Valyuta.az xəbər verir ki, bu barədə Argentina Milli Statistika və Siyahıyaalma İnstitutu (INDEC) qurumun saytında dərc olunmuş hesabatda məlumat yayıb.

“Yanvarda inflyasiya 20,6%, son 12 ayda isə 254,2% təşkil edib”, - sənəddə deyilir.

Məlumata görə, yanvarda ictimai nəqliyyatda biletlərin, eləcə də yanacağın bahalaşması səbəbindən nəqliyyat sektorunda xidmətlərin dəyəri 26,3% artıb. Telefon xidmətlərinin və internetə çıxışın dəyəri 25,1% artıb. Şəxsi gigiyena vasitələrinin və nəticədə gözəllik xidmətlərinin qiyməti kəskin artıb - 44,4%.

Ən az bahalaşma isə geyim və ayaqqabı (yanvarda 11,9% artım), eləcə də dəyəri 0,9% artmış təhsildə olub.

Yanvarın əvvəlində Argentinanın Statistika və Siyahıyaalma İnstitutu 2023-cü il üçün inflyasiya məlumatlarını dərc edib ki, buna əsasən ölkədə qiymətlər 12 ay ərzində orta hesabla 211,4% artıb. 19 noyabr 2023-cü ildə Xavyer Maylinin dövlət başçısı seçilməsindən sonra inflyasiya sürətlənib.

Ötən il dekabrın 10-da prezident kimi fəaliyyətə başlayan Xavyer Miley dövlət başçısı kimi ilk çıxışında ölkədəki vəziyyəti kritik adlandırıb və iqtisadiyyatda şok tədbirlərinin görülməsinin vacibliyini bəyan edib. Libertar siyasətçi hökumətin minimal müdaxiləsinin tərəfdarıdır, inflyasiya ilə mübarizə üçün Argentina Mərkəzi Bankının ləğvini zəruri hesab edir və iqtisadiyyatın dollarlaşmasına imkan verir. 

Nicat