Mərkəzi Kaliforniyada yerləşən çip istehsalçısı "Nvidia"nın səhmlərinin artımı süni intellekt çiplərinə olan tələbin təsiri ilə 45 faizi ötüb.

Valyuta.az xəbər verir ki, şirkətin səhmlərinin qiyməti hazırda 746,11 dollara qalxıb və bazar dəyəri qısa müddət ərzində "Amazonu" geridə qoyub. Bu da o deməkdir ki,  əvvəl 722,48 dollara olan səhmlərin qiyməti 0,16 faiz dəyər qazanıb.

Fevralda "Nvidia"nın səhmlərindəki artım təxminən 18 faizdən hesablanıb. İlə 500 dollardan bir qədər aşağı qiymətlə başlayan şirkətin səhmlərinin 2024-cü ilin əvvəlindən bu yana ümumilikdə 45,89 faiz dəyər qazanması diqqət çəkib.

"Nvidia"nın səhm qiyməti gün ərzində 746,11 dollara, yəni bütün zamanların ən yüksək səviyyəsinə çatıb. Belə ki, şirkətin bazar dəyəri bir gün ərzində 1,82 trilyon dollara çataraq "Amazon"u geridə qoyub. Ticarət gününün sonunda şirkətin bazar dəyəri 1,78 trilyon dollar, "Amazon"da isə bu qiymət 1,79 trilyon dollar olaraq qeydə alınıb.

"Nvidia"nın bazar dəyəri keçən ilin mayında süni intellekt çiplərinə artan tələbin təsiri ilə bir trilyon dollara çatmışdı.

Elmir