"Güvenli-Servis Management" Məhdud Məsuliyyətli Cəmiyyəti idarəçilik qaydaları əleyhinə olan inzibati xəta törətdiyinə görə cərimə edilə bilər.

Valyuta.az-ın məlumatına görə, şirkət barədə İnzibati Xətalar Məcəlləsinin 528.1-ci maddə əsasında protokol tərtib olunaraq iş baxılması üçün Xətai Rayon Məhkəməsinə göndərilib. 

Məcəllənin 528.1-ci maddəsində bildirilir ki, icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə, fiziki şəxslər 500 manatdan 1000 manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər 1200 manatdan 2500 manatadək məbləğdə, hüquqi şəxslər 3000 manatdan 5000 manatadək məbləğdə cərimə edilir.  

İşə hakim Bəxtiyar Məmmədovun sədrliyi ilə baxılacaq. 

Sadiq İsbəndərov