“Azərsığorta” şirkətinin idarə heyətinin sədrinin müşaviri sığorta şirkətindən ayrılıb. 

Valyuta.az-ın sığorta şirkətindən əldə etdiyi məlumata görə, “Azərsığorta”nın İdarə Heyətinin sədrinin müşaviri Ayaz İsmayıl oğlu Əliyev sığorta şirkətindən ayrılıb. 

Qeyd edək ki, sığorta şirkətinin hazırkı sədri Fərhad Adıgözəlov 2021-ci ildə “Azərsığorta”ya təyin edilən zaman Ayaz Əliyevi özünə müşavir təyin etmişdi. A.Əliyev 2021-ci ilin dekabr ayından sığorta şirkətində çalışmağa başlamışdı. O, bundan əvvəl, 2007-2013-cü illərdə “Kapital Bank” ASC-də Bankdaxili nəzarət şöbəsinin rəisi, struktur bölmələrlə iş departamentinin direktor müavini, 2013-2016-cı illərdə “RE/MAX Global” şirkətinin Azərbaycan üzrə regional direktoru, 2016-2019-cu illərdə “Azərbaycan Beynəlxalq Bankı” ASC-də Filial müdiri, Daxili nəzarət şöbəsinin müdiri, 2019-2020-ci illərdə keçmiş Maliyyə Bazarlarına Nəzarət Palatasının Daxili audit xidmətinin rəhbəri, 2020-ci ildən isə Respublika Gigiyena və Epidemiologiya Mərkəzi PHŞ-nin Baş direktorunun İqtisadi məsələlər üzrə müavini vəzifəsinin müvəqqəti icraçısı olub. 

Bununla da, F.Adıgözəlovun müşavirlərinin sayı ikiyə enib. Bunlar Kamran Uluxanov və Ceyhun Qurbanlıdır.

Mahir