Faktmedia.az son illərdə vəzifəsindən uzaqlaşdırılan və namaza başlayan məmurları təqdim edir:

 

Vilyam Hacıyev: Dövlətə 5 milyondan çox ziyan vuran İmişli rayonunun həbsdə olan keçmiş icra başçısı Vilyam Hacıyev namaza başlayıb. İcra başçısı "zon”da məhbuslara bildirib ki, o hər zaman İslam dininə bağlı olub. Namaza qılmağa isə vaxtı olmayıb. Məhkumları da inandırıb ki, o qədər dinə bağlı olub ki, İmişlidə yox, Göygöldə vaxtıilə məscid inşa etdirib.

 

Alimpaşa Məmmədov: Azərbaycan xalqına düz 10 milyon manat ziya vuran Şəmkir rayonunun sabiq icra başçısı Alimpaşa Məmmədov da ibadətə başlayan məmurlardan biridi. O, digər həmkarlarından fərqli olaraq şeir yazır, idmanla məşğul olur.

 

Əli İnsanov: Nə az, nə çox 40 kq qızılla adını məhbusların siyahısına vaxtilə saldıran sabiq Səhiyyə naziri Əli İnsanov da namaz qılıb oruc tutmağa başlayan "vurulmuşlar”dandır.

 

Ziya Məmmədov: Əmlakları haqqında hesab-kitab aparmağa ömür-gün yetməyən Azərbaycanın keçmiş nəqliyyat naziri Ziya Məmmədov ibadətlə məşğuldur. Ramazan ayında oruc tutan sabiq nazir, həmçinin mütəmadi olaraq Quranı mütaliə edir, namaz qılır.

 

İsmət Abbasov: 100 milyonlarla subsidiyanı mənimsəməkdə adı hallanan Baş nazirin sabiq müavini İsmət Abbasov da ibadətlə məşğul olur. İ.Abbasov mətbuata açıqlamasında bildirib ki, koronavirus pandemiyası Allahın insanlara imtahanıdır:

 

"Namaz qılıram, ibadət edirəm.Özüm həmçinin Həcc ziyarətində də olmuşam. Allaha inanmaq lazımdır. Görürsünüz bu gün dünyanı koronavirus bürüyüb. O qədər əyri-əskik işlər oldu ki, bunlar onun nəticəsidir. Bu gün varlı da, kasıb da evə sığınıb.Varlıların pulu da onların köməyinə çatmır. Elə imkanlı şəxslər, nazirlər var ki, imkanları olduğu halda xaricə gedib, özlərini müalicə etdirə bilmirlər”.