Təqaüdə göndərilən general-leytenant kimdir? - DOSYE
Xəbər verdiyimiz kimi, daxili işlər nazirinin müavini, general-leytenant Oruc Zalov son yaş həddi ilə əlaqədar olaraq təqaüdə göndərilib. Daxili İşlər Nazirliyinin Baş İctimai Təhlükəsizlik İdarəsinin rəisi, polis general-mayoru Oqtay Kərimov Oruc Zalovun yerinə təyinat alıb.
Valyuta.az xəbər verir ki, Zalov Oruc İbrahim oğlu 1952-ci il dekabrın 7-də Naxçıvan şəhərində anadan olub. 1978-ci ildə Naxçıvan Dövlət Pedaqoji İnstitutunun tarix fakültəsini, 1990-cı ildə isə SSRİ DİN-in Volqoqrad Ali İstintaq Məktəbini bitirib. Silahlı Qüvvələrin sıralarında müddətli həqiqi hərbi xidmət keçib.
Oruc Zalov 1979-cu ildən daxili işlər orqanlarında xidmət edir. 1994-cü ildə Babək rayon Polis Şöbəsinin rəisi təyin edilib, 1995-1998-ci illərdə DİN-in Qərargah rəisi vəzifəsində xidmət edib.
Azərbaycan Respublikası Prezidentinin 22 fevral 1998-ci il tarixli Sərəncamı ilə daxili işlər nazirinin müavini təyin olunub. Prezidentin 30 dekabr 1999-cu il tarixli Fərmanı ilə polis general-mayoru, 17 yanvar 2002-ci il tarixli Fərmanı ilə isə polis general-leytenantı ali xüsusi rütbəsi verilib.
Oruc Zalov 1995-ci ilin 26 dekabrında “Azərbaycan Bayrağı” ordeni, 2006-cı ilin 30 iyununda “Vətən uğrunda” medalı, 2014-cü ildə "Vətənə xidmətə görə" ordeni, 2022-ci ilin 8 dekabrında isə “Vətənə xidmətə görə” ordeni ilə təltif edilib.
Ailəlidir. Üç övladı var.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay