Qaynarinfo-nun məlumatına görə, Ədliyyə Nazirliyinin Təşkilat-nəzarət Baş İdarəsi ləğv edilərək, yerində Strateji planlaşdırma və monitorinq baş idarəsi yaradılıb. Ləğv edilən idarənin rəisi 2013-cü ildən Qasımov Elçin Lütvəli oğlu olub. 

 

 

İdarənin rəis müavini isə Sübhi Kazımovdur. O, hazırda Ədliyyə Nazirliyinin Qarabağ Regional Ədliyyə İdarəsinin rəisi vəzifəsini də icra edir. 

 

 

Qeydiyyat və notariat Baş İdarəsi ləğv edilərək yerinə, Ədliyyə sahəsində xidmətlər baş idarəsi yaradılıb. Ləğv edilən idarənin rəisi Məmmədov İlqar Kamil oğlu, müavini isə Soltanov Mehman Nəsir oğludur.

 

 

Kadrlar Baş İdarəsi ləğv edilərək, yerində İnsan resursları Baş İdarəsi yaradılıb. Kadırlar idarəsinin rəisi Məhərrəmov Rauf Məmmədəli oğlu, müavini isə Mahmudov Rəsul Fərman oğludur. Rauf Məhərrəmov BDU-nin sabiq rektoru Abel Məhərrəmovun qardaşıdır.

 

 

İnsan hüquqları və ictimaiyyətlə əlaqələr idarəsi ləğv edilərək, İnsan hüquqları və kommunikasiya idarəsi yaradılıb. Onun rəisi isə Sabitova Aynur Zakir qızıdır. 

 

 

İnformasiya-kommunikasiya texnologiyaları idarəsi ləğv edilərək, İnformasiya texnologiyaları və innovasiyalar idarəsi yaradılıb. Bu idarənin də rəisi Səmədzadə Ağakərim Ağasəməd oğludur.

 

 

Qeyd edək ki, yeni yaradılan idarələrə hələlik təyinat olmayıb. Köhnə rəislərin yeni idarələrə təyinat alıb-almayacağı bəlli deyil.