Fövqəladə Hallar Nazirliyi tərəfindən Qəbələ rayonunun Solquca və Abrıx kəndləri istiqamətində mürəkkəb relyefli dağlıq ərazidəki yanğın məhdudlaşdırılıb.

Bu barədə Valyuta.az-a FHN-dən məlumat verilib. 

Hazırda ərazidə soyutma tədbirləri həyata keçirilir.

Qeyd edək ki, yanğınla mübarizə tədbirlərinə, ümumilikdə, FHN-in Dövlət Yanğından Mühafizə Xidməti, Mülki müdafiə qoşunları, şimal-qərb Regional Mərkəzinin müvafiq qüvvələri və Aviasiya dəstəsinin üç ədəd helikopteri, habelə Ekologiya və Təbii Sərvətlər Nazirliyi Meşə Təsərrüfatı Mərkəzinin əməkdaşları və bir qrup yerli sakin cəlb olunub.