Naxçıvanda 132 nəfərə əmək pensiyası təyin olunub
İyul ayı ərzində tələb olunan 15 milyon 283 min manat vəsait pensiyaçıların plastik bankomat kart hesablarına köçürülüb və ya yerlərdə poçt bölmələri vasitəsilə pensiyaçılara çatdırılıb.
Bu barədə Valyuta.az-a Naxçıvan Muxtar Respublikası Dövlət Sosial Müdafiə Fondu məlumat verilib.
Məcburi dövlət sosial sığorta ödəmələri almaq hüququ olan şəxslərin də şəxsi hesablarına və ya poçt ünvanına müavinət ödənilməsi üçün 281 min manat vəsait köçürülüb.
Ötən ay müvafiq qurum tərəfindən məcburi dövlət sosial sığorta haqqı üzrə 10 milyon 576 min 500 manat vəsait yığılaraq Fondun xəzinə hesabına köçürülüb ki, bu da nəzərdə tutulan məbləğdən 5 faiz çoxdur. Pensiya və müavinətlərin ödənişinə ayrılan vəsaitin 67,9 faizi məcburi dövlət sosial sığorta haqqı olaraq muxtar respublikada yığılıb.
Hesabat ayında 1 hüquqi şəxs və 139 fiziki şəxs məcburi dövlət sosial sığorta ödəyicisi kimi uçota alınıb.
Vətəndaşlara pensiyaların qanunvericilikdə nəzərdə tutulmuş qaydada təyinatı üçün müvafiq işlər görülüb, 108-i yaşa, 9-u əlilliyə, 15-i ailə başçısını itirməyə görə olmaqla, ümumilikdə 132 nəfərə əmək pensiyası təyin olunub.
Pensiya təyin olunmuş vətəndaşların 78-i kişi, 54-ü isə qadındır. Bundan əlavə Fond tərəfindən muxtar respublikada yeni əmək fəaliyyətinə başlayan 211 sığortaolunana fərdi şəxsi hesab açılıb.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay