2021-2022-ci tədris ili üzrə Təhsil Nazirliyi sisteminə daxil olan ümumi təhsil müəssisələrinə müəllimlərin işə qəbulu müsabiqəsinin elektron sənəd qəbulu mərhələsi başa çatıb.

Təhsil Nazirliyindən Valyuta.az-a bildirilib ki, 4-11 iyun tarixlərini əhatə edən elektron sənəd qəbulu zamanı 62 min 242 namizəd qeydiyyatdan keçib. 

“Miq.edu.az” saytı vasitəsilə həyata keçirilən qeydiyyatda 60 min 627 namizəd elektron ərizəsini tamamlayaraq müraciətini təsdiqləyib.

Qeyd edək ki, namizədlərin elektron ərizəsi yoxlanıldıqdan sonra onların şəxsi səhifələrinə müvafiq məlumat göndəriləcək.