“Arakl” MMC-nin rəhbərinin ölkədən çıxışı məhdudlaşdırılıb. 

Valyuta.az xəbər verir ki, bununla bağlı Bakı Kommersiya Məhkəməsinin hakimi Aytən Əliyeva qətnamə çıxarıb. 

İş materiallarından məlum olur ki, “Arakl” MMC-nin 20 131 AZN vergi borcu var. 

Şirkət borcu ödəmədiyindən İqtisadiayyat Nazirliyi yanında Dövlət Vergi Xidmətinin 2 saylı Ərazi Vergilər İdarəsi xüsusi icraat qaydasında məhkəməyə ərizə ilə müraciət edib. 

Qurumun ərizəsi təmin edilib. Borc tam şəkildə ödənilədək “Arakl” MMC-nin rəhbərinin ölkədən çıxışı məhdudlaşdırılıb. 

“Arakl” MMC 19 may 2021-ci ildə qeydiyyata alınıb. Nizamnamə kapitalı 10 AZN, qanuni təmsilçisi İsrafilov Elman Bayram oğludur.

Maraqlıdır ki, məhkəmədən sonra şirkətin vergi borcu bir qədər də artıb. Hazırda “Arakl” MMC-nin 46 582,21 Azn vergi borcu var. 

Hüseyn