Cari ilin ilk 7 ayında Antalyaya 9 milyon 58 min 186 nəfər səfər edib.

Valyuta.az xəbər verir ki, Antalyaya gələnlərin sayı 31 iyul tarixinə keçən ilin eyni dövrü ilə müqayisədə 10,06 % artaraq 9 milyon 58 min 186 nəfərə çatıb.
Rusiyadan bu şəhər 2 milyon 40 min 316 ziyarətçi gəlib. Bu, ötən ilin eyni dövründən 10 % çoxdur. 

Almaniya 1 milyon 770 min 225 ziyarətçi ilə ikinci, üçüncü yerdə 874 min 356 ziyarətçi ilə İngiltərə qərarlaşıb. İngiltərəni müvafiq olaraq Polşa, Hollandiya, Qazaxıstan, Rumıniya, Ukrayna, Çexiya və Slovakiya izləyib.

Antalya iyul ayında təxminən 3 milyon turisti qəbul edib

1-31 iyul 2024-cü il tarixləri arasında 1 aylıq dövrdə Antalyaya gələn turistlərin sayı keçən ilin eyni dövrü ilə müqayisədə 2,71 artaraq 2 milyon 742 min 965 nəfərə çatıb. İyul ayında Antalyaya ən çox ziyarətçi 598 min 40 ziyarətçi ilə Rusiya Federasiyasından, Almaniya 441 min 718 ziyarətçi ilə ikinci, Polşa isə 223 min 982 ziyarətçi ilə üçüncü yerdədir. 

Haberler.com

Əvəz Həsənov