2023-cü ildə Çinin Şanxay şəhərini 326 milyon turist ziyarət edib. Bu, əvvəlki illə müqayisədə 73,5 faiz çoxdur. Bu turistlərin 3 milyon 640 mini xaricdən gələn ziyarətçilər olub.

Valyuta.az xarici mediaya istinadən xəbər verir ki, bu statistika çərşənbə günü başlayan 3-cü Şanxay Turizm İnvestisiyalarının Təşviqi Konfransında açıqlanıb.
Bildirilib ki, bu dövrdə şəhərin ümumi turizm gəliri əvvəlki illə müqayisədə 76,8 faiz artaraq 367,8 milyard yuanı (təxminən 51,8 milyard ABŞ dolları) olub.

Tədbirdə yerli hakimiyyət orqanları həmçinin qeyd ediblər ki, mədəniyyət və turizm sektorunda ümumi investisiya dəyəri 117,5 milyard yuan olan 26 layihənin 2025-ci ilin sonuna kimi başa çatdırılması, istifadəyə verilməsi və ya təkmilləşdirilməsinin davam etdirilməsi gözlənilir. “Legoland Shanghai Resort” və “Şanxay Yaoxue Buz və Qar Parkı” da sözügedən layihələr arasındadır.

Əvəz Həsənov