Mütəxəssislər 2024-cü ildə turistlər üçün ən təhlükəsiz yerin adını açıqlayıblar.

Valyuta.az xəbər verir ki, bu barədə "Complex" məlumat yayıb.

Reytinq tərtib edilərkən bir çox amillər nəzərə alınıb: əhalinin sıxlığından tutmuş iqlimə qədər.

"Berkshire Hathaway Travel Protection" Kanadanı 2024-cü ildə ən təhlükəsiz səyahət məkanı adlandırıb. Keçən il 6 yerdə olan Şimali amerika ölkəsi indi müvafiq olaraq ikinci və üçüncü olan İsveçrə və Norveçi qabaqlayır.

Şirkətin mütəxəssisləri Kanadanın reytinqdə birinci yeri tutmasını burada soyuq hava şəraiti və əhalinin sıxlığının az olması, həmçinin cinayətkarlığın səviyyəsinin aşağı olması ilə izah ediblər.

Reytinq müəllifləri əlavə edib ki, siyahı yekun deyil. Konkret ölkənin oradakı mövqeyi hər an dəyişə bilər - hər şey dövlət daxilində mövcud vəziyyətdən asılıdır.

Paşa Məmmədli