“Netflix” “Broadcom”un törəmə şirkəti “Vmware”ni virtual maşın patentlərinə görə məhkəməyə verir.

Valyuta.az xəbər verir ki, Kaliforniya federal məhkəməsində açılan iddiada “Netflix” “Vmware”in bulud proqram təminatının virtual maşınlarla bağlı beş patenti pozduğunu bildirib.

Kompüter sistemlərinin fiziki arxitekturasını təqlid edən virtual maşınlar bulud sistemlərində emal resurslarının miqyasını genişləndirməyə imkan verir. Bu mənada virtual maşınların bulud hesablamalarının əsasını təşkil etdiyini söyləmək olar.

İş “VMware vSphere Foundation”, “VMware Cloud Foundation”, “VMware Cloud” on “AWS” məhsulları, həmçinin “Microsoft”, “Google”, “Oracle”, “IBM” və “Alibaba Group Holding” kimi şirkətlər tərəfindən təklif olunan bulud həllərini əhatə edir.

Sözügedən məhsulları “424 Patent”in bir hissəsi kimi kollektiv olaraq adlandıran “Netflix” “Vmware”nin 2012-ci ildən bəri patenti qəsdən pozduğunu bildirib. “Netflix”in iddiasına görə, bu məlumatlılığı nəzərə alaraq “Broadcom” və “Vmware” qəsdən pozuntuya yol veriblər. Şirkət məhkəmədən “Broadcom”a naməlum ziyanı ödəməyi əmr etməyi xahiş edir. 

Reuters-in paylaşdığı məlumata görə, “Netflix” və “Broadcom” faktiki olaraq 2018-ci ildən bəri patent mübahisəsi ilə məşğuldurlar. “Netflix” “Broadcom”un video yayım texnologiyası patentlərini pozduğu iddia edilir.

Qeyd edək ki, bu çərçivədə Kaliforniya, Almaniya və Hollandiyada məhkəmə iddiaları qaldırılıb. ABŞ-dakı işə iyunda baxılması planlaşdırılır.

Əvəz Həsənov