“Microsoft” şirkəti “Windows 11” əməliyyat sistemində istifadəçilərin məxfiliyini təhdid edən ən azı beş kritik zəifliyin aşkar edildiyini təsdiqləyib. 

Valyuta.az xəbər verir ki, bu barədə "MSPowerUser" məlumat yayıb.

Çərşənbə axşamı buraxılan müntəzəm yeniləmələrin bir hissəsi olaraq, "Microsoft" ƏS-nin cari versiyasında boşluqlar üçün düzəlişlər daxil edib. Şirkətin mütəxəssisləri bildiriblər ki, onlar 118 təhlükəsizlik boşluğunu aşkar edib, aradan qaldırıb, onlardan beşi kritik hesab edilib.

Təhlükəli boşluqlar müxtəlif "Microsoft" xidmətləri, o cümlədən "Windows", "Microsoft Office" və "Exchange Server" ilə əlaqəli olub. Məsələn, CVE-2024-43572 zərərli "Microsoft Saved Console" faylları vasitəsilə uzaqdan kod icrasına icazə verdi və CVE-2024-20659 Hyper-V təhlükəsizlik sistemlərindən yan keçməyə icazə verib.

Bundan əlavə, korporasiya 22H2, 23H2 və 24H2 versiyaları üçün KB5044284, KB5044285 və KB5044280 yeniləmələrini buraxıb. Bu yeniləmələr sistem performansını yaxşılaşdırıb və bəzi kiçik sistem problemlərini həll edib. "Microsoft Windows Update" menyusu vasitəsilə ən son yamaqlar seriyasını quraşdırmağı tövsiyə edir.

Paşa Məmmədli