Google, axtarış sistemində yeni mavi təsdiq işarələrini sınaqdan keçirir.

Verilən məlumata görə, Google axtarış nəticələrində şirkət bağlantılarının yanında, həmin şirkətin həqiqi olduğunu göstərən mavi təsdiq işarələri yerləşdirilir.

Valyuta.Az-ın verdiyi xəbərə görə, ötən ay xəritələrdə saxta rəylərə sahib olan şirkətləri işarələməsi ilə gündəmə gələn Google, indi də axtarış sistemində yeni doğrulama xüsusiyyətini sınaqdan keçirir. Bu doğrulama xüsusiyyəti ilə Google istifadəçilərin saxta və ya hiyləgər vebsayt bağlantılarına klikləmələrinin qarşısını almağa çalışır. 

Google-un ictimaiyyətıə əlaqələr üzrə nümayəndəsi Molly Shaheen-in The Verge-ə verdiyi məlumata görə, şirkət müştərilərin onlayn mühitdə etibarlı şirkətləri müəyyənləşdirmələrinə kömək edəcək xüsusiyyətləri mütəmadi olaraq sınaqdan keçirir. Bu çərçivədə hazırda Google-da bəzi şirkətlərin yanında təsdiq işarələri göstərən kiçik bir test həyata keçirilir.

Jurnalist Jay Peters də daxil olmaqla, bəzi istifadəçilər Microsoft, Meta, Epic Games, Apple, Amazon və HP-nin rəsmi sayt bağlantılarının yanında təsdiq işarələri gördüklərini bildirir. Hazırda bu testin məhdud sayda istifadəçi ilə aparıldığı qeyd eolunur.

İstifadəçilərin bildirdiyinə görə, təsdiq işarəsinin üzərinə gəlindikdə bir mesaj çıxır. Bu mesajda “Google-un siqnalları bu şirkətin göstərilən şirkət olduğunu təsdiq edir” ifadəsi yer alır. Həmin mesaj, vebsayt doğrulaması, Merchant Center məlumatları və əl ilə aparılan yoxlamalar kimi elementlərə əsaslanaraq müəyyən edilir.

Bu xüsusiyyətin Mesaj Tanımlama üçün Marka Göstəriciləri (BIMI) xüsusiyyətinin bir genişlənməsi olduğu bildirilir. Digər tərəfdən, Google-un hələ axtarış təsdiq işarələrini rəsmi olaraq elan etmədiyini qeyd edək. Bu xüsusiyyətin daha geniş istifadəçi kütləsinə nə zaman təqdim ediləcəyi isə məlum deyil.