"AnTuTu" etalonunun tərtibatçıları sentyabr ayı üzrə istifadəçilərin smartfonlarından məmnunluq reytinqini tərtib ediblər.

Valyuta.az xəbər verir ki, istifadəçilərin fikrincə, sentyabrın sonunda ən yaxşı smartfon sahiblərinin 99,09%-nin razı qaldığı qatlanan "Oppo Find N3" olub. 

İlk 3-lüyə həmçinin müvafiq olaraq 97,65% və 97% nəticə göstərən "Honor Magic6 Ultimate Edition" və "Huawei Pura70 Pro+" daxil olub.

Onların ardınca qatlana bilən "Honor Magic V2" (96,89%) və "Vivo X Fold3 Pro" (96,79%), həmçinin istifadəçilərin 95,29% və 94,76%-i razı qaldığı "Samsung Galaxy S23 Ultra" və "Galaxy S24+" gəlir.

Növbəti yerləri "Oppo Find X7 Ultra" (94,48%), "Samsung Galaxy Z Fold5" (94,29%) və "Huawei Mate X3" (94,12%) qərarlaşıb.

"AnTuTu nümayəndələri qeyd edirlər ki, cihazların istifadəçi reytinqləri onların real göstəricilərini və bençmarkda smartfonların qiymətləndirilməsini əks etdirmir - reytinq qadcet sahiblərinin rəyləri əsasında formalaşır. Araşdırma sentyabrın 1-dən 30-dək Çində "Android" smartfon istifadəçiləri arasında aparılıb.

Paşa Məmmədli