Kompüter dünyasında innovativ və ekstravaqant həlləri ilə tanınan "Cooler Master" öz rəsmi saytında "Shark X" adlı unikal fərdi kompüteri ilkin sifariş üçün təqdim edib. 

Valyuta.az xəbər verir ki, öncədən sifarişlə bağlı təfərrüatları olan məlumat satıcının rəsmi saytında yer alıb.

"Shark X" yüksək səviyyəli oyun avadanlıqları, o cümlədən "Intel Core i7-14700F" prosessoru və "MSI GeForce RTX 4070 Ti Super" qrafik kartı ilə təchiz olunub. Kompakt "Mini-ITX" sisteminə həmçinin B760I ana plata, ikiqat 32 GB DDR5-6000 RAM, 2 TB M.2 PCIe 4.0 NVMe yaddaş, "MasterLiquid 120 Atmos" maye soyuducu və "Cooler Master"dan V850 SFX Gold enerji təchizatı daxildir.

Bununla belə, "Cooler Master"dan yeni məhsulun əlverişli bir alış olmadığını qeyd etmək lazımdır. "Shark X" kompüterinin qiyməti 7 min dollardır və bu, oxşar avadanlıqlara malik adi fərdi kompüterdən üç dəfə bahadır.

Paşa Məmmədli