"Samsung"un rəsmi fransız saytında qəflətən "Galaxy S24 FE" üçün səhifə peyda olub. Burda yeni smartfon nümayiş etdirilib.

Valyuta.az xəbər verir ki, Bu barədə "GizmoChina" məlumat yayıb.

"Samsung"un fransız internet saytından sızma mühüm hadisə olsa da, gələcək smartfon haqqında çoxlu təfərrüatları açıqlamayıb. Daha doğrusu, nəşrə məlum olanların hamısı SM-S721B modelinin kataloq nömrəsi olub.

Əvvəlki sızmalara görə, "Galaxy S24 FE" onu flaqman "Galaxy S24" və "Galaxy S24+" ilə bərabər tutacaq "Samsung Exynos 2400" çipseti ilə təchiz olunacaq. Həmçinin cihazın One UI 6.1.1 qabığı ilə "Android 14"də işləyəcəyi gözlənilir.

Şayiələrə görə, yeni məhsul sələflərindən daha incə profilə, eləcə də daha böyük ekrana sahib olacaq. Eyni zamanda, sızan renderlərdən biri ekran çərçivəsinin kifayət qədər qalın olacağını göstərir. 

Şəkildə həmçinin görünür ki, S24 FE, digər S24 seriyalı telefonlar kimi, S23 FE-nin bir qədər yuvarlaqlaşdırılmış çərçivəsindən fərqli olaraq düz yan çərçivəyə sahib olacaq. "Samsung" cihazı dörd rəngdə təqdim edəcək: boz, açıq mavi, açıq yaşıl və sarı.

Fransız saytında bir səhifənin görünüşünə görə, "Galaxy S24 FE"nin təqdimatı yaxın günlərdə baş tuta bilər.

Paşa Məmmədli