İyul ayında "Google Chrome" brauzerində böyük nasazlıq yaranıb və nəticədə milyonlarla "Windows" istifadəçisi saxlanmış parollarına daxil ola bilməyib. 

Valyuta.az bu barədə "Forbes"ə istinadən xəbər verir.

Problemə görə istifadəçilər köhnə parollarını tapa və ya yenilərini saxlaya bilməyiblər. Problemin "Windows"da "Chrome 127" istifadəçilərinin təxminən 2%-nə təsir edəcəyi təxmin edilir ki, bu da təxminən 15 milyon insana bərabərdir. Ancaq "Chrome"un 3 milyarddan çox insanın istifadə etdiyini nəzərə alsaq, bu rəqəm daha da çox ola bilər.

"Google"un təklif etdiyi həll yolu brauzerin "enable-features=SkipUndecryptablePasswords" bayrağından istifadə edərək komanda xətti vasitəsilə işə salınmasını tələb edirdi ki, bu da əksər istifadəçilər üçün əlverişsiz idi. Bununla belə, şirkət insidentə tez reaksiya verib və iyulun 25-də yalnız brauzerin yenidən işə salınmasını tələb edən xəta üçün düzəliş təqdim olnub.

"Google" narahatlığa görə üzr istəyib və problem yaşayan istifadəçilərə "Google Workspace" dəstəyi ilə əlaqə saxlamağı tövsiyə edib.

Paşa Məmmədli