"OpenAI" "Google"ı əvəz etmək üçün öz axtarış sistemini hazırlayır
"ChatGPT" tərtibatçısı "OpenAI" internet üzərindən məlumatlara real vaxt rejimində çıxışı olan süni intellektlə işləyən axtarış sistemi "SearchGPT"nin istifadəyə verilməsi ilə axtarış bazarına çoxdan gözlənilən girişini elan edib.
Valyuta.az xəbər verir ki, yeni axtarış sisteminin özəlliyi təkcə keçidlərin siyahısını vermək deyil, həm də onları təşkil etməyə və anlamağa çalışmaqdır. Axtarış nəticələri göründükcə istifadəçi "ChatGPT" çatbotunda olduğu kimi sistemə əlavə aydınlaşdırıcı suallar verə bilər.
Şirkət "SearchGPT"nin xarici saytlara keçməyə ehtiyac olmadan veb axtarışlarını daha sürətli edəcəyini və asanlaşdıracağını iddia edir. Xidmət GPT-4 ailəsinin modelləri əsasında fəaliyyət göstərir.
"Verge" portalı yeni axtarış sisteminin inkişafını "Google" üçün ciddi təhlükə" adlandırır və bu da öz axtarış sisteminə süni intellekt funksiyalarını tətbiq etməyə tələsir. Gələcəkdə "OpenAI" "SearchGPT"ni "ChatGPT"yə inteqrasiya etməyi planlaşdırır. "ChatGPT" artıq "Bing" istifadə edərək veb axtarışları həyata keçirə bilər, lakin "SearchGPT" süni intellektlə işləyən veb axtarışlarına diqqət yetirəcək.
Qeyd edilir ki, "SearchGPT" hazırda sınaq mərhələsindədir və az sayda istifadəçi üçün əlçatandır. "Beta" tester rolunu oynamaq üçün siz "OpenAI" hesabınıza daxil olmalı və sonra gözləmə siyahısına qoşulmalısınız.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay