![](https://valyuta.az/file/articles/2024/05/24/1716556246_2.jpg)
\"Apple\" bundan da baha \"iPhone\" və noutbuk buraxacaq
"Apple" texnologiyasının ümumiyyətlə premium sayılmasına baxmayaraq, şirkət Ultra xəttində daha da bahalı cihazlar istehsal etməyə başlayıb.
Valyuta.az xəbər verir ki, bu barədə "9to5Mac" portalı yazıb.
"iPhone" qiymətləri əksər "Android" smartfonlarından yüksəkdir, "Mac" isə adi fərdi kompüterlərdən daha bahalıdır və bu, şirkətin hər bir məhsuluna aiddir", deyə ekspertlər bildirir.
Yaxın gələcəkdə "Apple" demək olar ki, bütün məhsullarının daha bahalı versiyalarını buraxmağı planlaşdırır. Güman edilir ki, bu cür cihazların adında Ultra sözü olacaq, məsələn, titandan hazırlanmış flaqman "Apple Watch Ultra" saatı.
Daha premium cihazların buraxılması ilə bağlı təcrübələr "iPhone 8" ilə eyni vaxtda buraxılan və 999 dollara satılan "iPhone X" ilə başlayıb. Sonra bu smartfon göstərib ki, "Apple" pərəstişkarları daha müasir "iPhone" üçün pul ödəməyə hazırdırlar. "Apple" daha sonra "Apple Watch Ultra"nı buraxıb və bu da uğurlu olub.
Bu il "Apple" artıq iki premium cihaz buraxıb: 3499 dollara "Vision Pro" dəbilqəsi və maksimal versiyası daha da bahalaşan "iPad Pro M4". Şayiələrə görə, "Apple" 2025-ci ildə "iPhone 17 Ultra", 2026-cı ildə isə qatlanan ekranlı noutbuk təqdim edəcək. Analitiklər hesab edirlər ki, bu yeni məhsulların qiymətləri növbəti dəfə psixoloji həddi aşacaq.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay