"Apple" artıq süni intellektin (AI) imkanlarının smartfonlarında necə işləyəcəyini bilir. 

Valyuta.az xəbər verir ki, bu barədə Mark Qurman "Bloomberg"dəki köşə yazasında məlumat verib.

Mark Qurmanın sözlərinə görə, iOS 18-də AI funksiyaları internet bağlantısı tələb etməyəcək. "iPhone"ların gücü, istənilən halda indiki modellər, "Apple" tərəfindən hazırlanmış böyük bir dil modelinin avtonom şəkildə işə salınması üçün kifayətdir. Ancaq əsas çatışmazlıq bununla bağlıdır.

"Apple" məxfiliyi və sorğuların işlənməsi sürətini, həmçinin özünün LLM modelini vurğulayır. Lakin o, ChatGPT kimi "ağıllı" ola bilməz, çünki bütün verilənlər bazaları on milyardlarla parametrləri və daim yenilənən məlumatları olan həcmli serverlərdə deyil, smartfonun yaddaşında saxlanılır.

İnsayderin sözlərinə görə, "iPhone"dakı süni intellekt mesajlara cavabların mürəkkəb şablonlarını hazırlaya, sorğu əsasında mətn yaza, şəkli redaktə edə və Al ilə qarşılıqlı əlaqəni yaxşılaşdıra biləcək. Yenilənmənin özü, vurğulandığı kimi, əməliyyat sisteminin tarixində ən böyük olacaq.

"Google Gemini"nin iOS 18-də ağıllı funksiyaların ürəyi olacağı gözlənilir. İddialara görə, "Apple" hələ də bu sahədə əldə etdiyi nailiyyətlərlə kifayətlənmir. Yeni iOS və digər əməliyyat sistemlərinin elanı iyun ayında WWDC 2024-də baş tutacaq.

Paşa Məmmədli