ABŞ prezidenti Co Bayden administrasiyası Cənubi Koreyanın Samsung şirkətinə Texasda çip istehsalını genişləndirmək üçün təxminən 6,6 milyard dollar subsidiya verməyi planlaşdırır.

Valyuta.az xəbər verir ki, bu barədə “Reuters” öz mənbələrinə istinadən yazır.

Qeyd edilir ki, Samsung ABŞ-da çip istehsalını artırmağa çalışır və ticarət naziri Gina Raimondo tərəfindən açıqlanacaq subsidiya Taylor şəhərində dörd obyektin, o cümlədən 17 milyard dollar dəyərində bir çip zavodunun tikintisinə yönəlməlidir.

Ağ Evin qrantına başqa bir açıqlanmayan yerə investisiyalar da daxildir. Ümumilikdə, Samsung müqavilənin bir hissəsi olaraq ABŞ-a sərmayəsini iki dəfədən çox artıraraq 44 milyard dollardan çox edəcək.

Bundan əlavə, agentliyin mənbələrindən biri bunun 6,6 milyard dollar alan və sərmayəsini 65 milyard dollara çatdırmağa və 2030-cu ilə qədər Arizonada üçüncü zavod tikməyə razılaşan Tayvanın TSMC-dən dərhal sonra üçüncü ən böyük proqram olacağını söyləyib.

ABŞ yerli çip istehsalını genişləndirməyə və Çində və bölgədə fabriklərin tikintisi üçün istifadə oluna biləcək kapitalı cəlb etməyə çalışır.

2022-ci ildə Konqres yerli yarımkeçirici istehsalının artırılması üçün 52,7 milyard dollar tədqiqat və istehsal subsidiyaları ilə Çip və Elm Qanununu təsdiqləyib. Qanunvericilər həmçinin hökumətin 75 milyard dollar borcunu təsdiqləyiblər, lakin mənbələrdən biri Samsung-un heç bir kredit almağı planlaşdırmadığını söyləyib.

Xatırladaq ki, Samsung-un birinci rübdə əməliyyat mənfəəti 10 dəfədən çox artaraq bazar gözləntilərini üstələyəcək, çünki çip qiymətləri süni intellekt bumu sayəsində böyük enişdən sonra bərpa olunmağa başlayır.

Nicat