"Xiaomi" "Redmi Pad Pro" büdcə planşetini elan edib və onun üçün ilkin sifarişləri açıb. 

Valyuta.azx xəbər verir ki, bu barədə "ITHome" portalı məlumat yayıb.

Alıcıların planşet rezerv edə bilməsinə baxmayaraq, cihazın texniki xüsusiyyətləri hələ də məlum deyil. Rəsmi afişaya əsasən, "Redmi Pad Pro" stilus və klaviatura üçün dəstək alacaq. Aprelin 10-da "Redmi Turbo 3" smartfonu ilə birlikdə "Redmi Pad Pro"nun tam təqdimatı keçiriləcək.

Bununla belə, "Digital Chat Station" insayderi artıq qadcet haqqında bəzi detalları açıqlayıb. Beləliklə, "Redmi Pad Pro" 2,5K təsvir ölçülü 12,1 düymlük displey, "Android" bazasında patentləşdirilmiş "HyperOS" mikroproqramı və 10 000 mAh batareya əldə edəcək. İnsayder planşetdə hansı çipdən istifadə edildiyini açıqlamayıb.

Qiymət baxımından "Redmi Pad Pro" 2022-ci ildə nümayiş etdirilən əsas versiyadan bir qədər baha olacaq.

Paşa Məmmədli