"Apple" məxfilik müqaviləsini pozaraq, şirkətin inkişafı ilə bağlı məxfi məlumatları jurnalistlərə ötürdüyünə görə Endru Oude adlı keçmiş əməkdaşını məhkəməyə verir. 

Valyuta.az xəbər verir ki, bu barədə "MacRumors" portalı məlumat yayıb.

"Apple"a görə, Oude 2020-ci ildə "Vision Pro" qulaqlığı və 2023-cü ilin aprelində "Diary" proqramı haqqında hələ buraxılmamış məlumatları "The Wall Street Journal" və "The Information" müxbirlərinə sızdırıb. Ümumilikdə, o, iki jurnalistə 11 mindən çox mesaj göndərib və "The Information" jurnalisti ilə görüşmək üçün "qitəni gəzib".

Oude 2016-cı ildə kolleci bitirdikdən sonra "Apple" tərəfindən işə götürülüb. Onun öhdəliklərinə batareyanın işini optimallaşdırmaq daxildir ki, bu da ona onlarla mühüm şirkət layihələri haqqında məlumat əldə etmək imkanı verib. 2023-cü ilin dekabrında təhlükəsizlik sızmasını aşkar edib, bundan sonra o, işdən çıxarılıb.

Məsələni məhkəməyə qədər həll etmək cəhdləri uğursuz olub, çünki Oude günahını qismən etiraf etsə də, "Apple" ilə əməkdaşlıqdan imtina edib. İndi şirkət 25 min dollar məbləğində təzminat tələb edir, lakin yekun məbləğ məhkəmə zamanı müəyyənləşəcək.

Paşa Məmmədli