Amerikalı sahibkar və X sosial şəbəkəsinin (keçmiş "Twitter") sahibi İlon Mask hesab edir ki, "Facebook" platforması ictimai rəylə manipulyasiya ilə məşğuldur. 

Valyuta.az xəbər verir ki, bu barədə Mask öz mikrobloqunda yazıb.

“Facebook" demək olar ki, bütün planetdə insanları manipulyasiya edir. Buna görə də onlar alqoritmlərini açıq mənbə ilə açmırlar”, deyə Mask öz profilində bildirib.

Milyarder həmçinin "Facebook"un öz platformasındakı məzmunun həqiqiliyini yoxlamaq üçün qərəzli təşkilatların xidmətlərindən istifadə etməsi ilə bağlı "Sky News Australia"nın araşdırmasına keçid də verib.

Bundan əvvəl Mask "Meta"nın sahibi Mark Zukerberqi qorxaqlıqda ittiham etmişdi. Bu ilin iyun ayında Mask öz yazılarının birində "Meta" korporasiyasının baş direktoru ilə döyüşmək arzusundan yazıb. Eyni zamanda, Zukerberq çağırışı qəbul etdiyini bildirib. Sosial şəbəkə liderləri arasında münaqişəyə səbəb Zukerberqin məşhur Maskın "Twitter"in analoqunu hazırlaması olub.

Paşa Məmmədli