Moskva Aviasiya İnstitutunun (MAİ) və Moskva Dövlət Universitetinin (MDU) mütəxəssisləri yanacaq tələb etmədən qeyri-müəyyən müddətə işləyə bilən peyk mühərriki hazırlayırlar. 

Valyuta.az xəbər verir ki, bu barədə “İzvestiya” nəşri məlumat yayıb.

İnkişaf aşağı orbitlərdə, yəni təxminən 200 km yüksəklikdə fəaliyyət göstərən peyklər üçün nəzərdə tutulub. Yeni mühərrik aparatın atmosferdən qapdığı azot və oksigendən istifadə edərək təkan yaradacaq.

“Bunun üçün peykdə baş verən qaz axınını qapmaq, onu sıxmaq və günəş panellərindən alınan elektrik enerjisinin təsiri altında plazmaya çevriləcəyi mühərrikə vermək lazımdır. Plazma üzərində elektrik sahələri ilə hərəkət edərək, ionları sürətləndirmək və beləliklə, reaktiv təkan əldə etmək olar”, - Moskva Aviasiya İnstitutunun baş elmi işçisi Aleksandr Boqatı izah edib.

Alimlər ümid edirlər ki, yeni mühərrik peyklərin ölçülərini və qiymətini azaldacaq, həmçinin onların orbitə çatdırılması xərclərini azaldacaq.

Nicat